Fögnum þorra í pottinum 23. janúar
Skriðsundsnámskeið SJÓR halda áfram!
Gleðileg jól
Stjórn Sjósunds- og sjóbaðsfélags Reykjavíkur óskar sjósyndurum nær og fjær gleðilegra jóla og farsældar á nýju ári. Þökkum dásamlegar stundir á árinu og vonum að nýja árið færi ykkur gæfu, gleði og marga góða sundspretti.
Minnum á nýárssundið að morgni nýársdags, milli kl. 11-13.
Jólakveðjur
Opnun Ylstrandar um jól og áramót
Opnunartími um Jól og áramót á Ylströndinni eru eftirfarandi. Annan í jólum mánudaginn 26. desember – Lokað Miðvikudaginn 28. desember opið kl. 11 – 13 og 17 – 19. Nýársdag sunnudaginn 1. janúar verður opið milli kl. 11 – 13. Mánudaginn 2. janúar verður opið milli kl. 17 – 19. Jóla og nýárskveðja, starfsfólk Ylstrandar
Jólastemmning í pottinum 12. desember
Sjósund á Seyðisfirði
Sjóbíó og norðurljósasýning í pottinum
Allnokkrir sjósundsfélagar horfðu á myndina Abyss í sjóbíói nú um síðustu mánaðarmót. Sýninginn hófst um kl 22 en á svipuðum tíma hófst einnig heljarinnar norðurljósasýning og skartaði himininn sínu fegursta allt fram yfir miðnætti. Svo fögur voru norðurljósin að bíógestir gátu vart annað en legið í pottinum og horft hugfangnir til himna á dansandi litadýrðina. Nauthólsvíkin er greinilega framúrskarandi staður til að njóta norðurljósanna enda lítil ljósmengun í kring. Um miðnætti var auðvitað hoppað út í sjó og mánaðarmótunum fagnað í spegilsléttum sjó innan um smáfiskatorfu. Eftir sundið var kroppurinn hitaður í pottinum og horft á æsispennandi endalok myndarinnar. Jakob Viðar náði að taka þessa mynd af dýrðinni með því að halda myndavélinni kyrri í dágóðan tíma án þrífótar. Frábært kvöld.
SJÓBÍÓ – The Abyss
Mánudaginn 31. október verður myndin The Abyss sýnd í sjóbíó niður í Nauthólsvík. Myndin sem er í leikstjórn James Cameron er sannkallað meistaraverk og ein af bestu neðansjávar myndum sem gerð hefur verið. Í henni er fullt af tæknibrellum, flott saga og framúrskarandi leikur. Nú er tækifæri að upplifa þessa glæsilegu mynd í sínu rétta umhverfi við sjóinn. Sýning hefst kl 22. Heitt vatn í pottinum en ekkert vandmál að kæla sig niður ef þörf krefur. Á miðnætti verður hoppað í sjóinn og nýjum mánuði fagnað með stæl á hafi úti.
Miðaverð 1000 kr í peningum. Popp og gos selt á staðnum.
Allir velkomnir – sjósundsfólk jafnt sem aðrir
Skemmtilega nefndin
Stofnfundur sjóbaðsfélags Akranes
Sunnudaginn 30. október verður stofnfundur sjóbaðsfélags Akraness. Í tilefni af því að nú í október eru 100 ár liðin frá fyrstu sundkeppni sem haldin var á Akranesi ætla nokkrir sprækir sjóbaðsmenn að synda í Lambhúsasundi fyrir neðan Bíóhöllina kl. 12 sunnudaginn 30. október og minnast þannig frumkvöðlanna. Mæting í Jaðarsbakkalaug kl 11:30 og þaðan verður tekin strætó að Lambhúsasundi og aftur til baka um kl 13:00 á stofnfund Sjóbaðsfélags Akraness. Hægt verður að ylja sér í lok sjósunds í körum sem búið er að koma fyrir við fjöruna. Gaman væri ef hægt væri að fjölmenna í þetta sund og er öllum velkomið að taka þátt.
Vetrarfagn 24. október.
Næstkomandi mánudag, 24. október, ætlum við að fagna vetri og hratt kólnandi sæ með sjálfsköpuðu hlaðborði. Allir sem vilja koma með eitthvað gómsætt á sameiginlegt hlaðborð og síðan snæðum við saman í pottinum eftir góðan sundsprett eða sjóbað.
Ýmislegt
Yfirheyrsla mánaðarins
Áhugaverðir Net-Þræðir
.
.
.