Félagsgjöld SJÓR fyrir árið 2012
Kæri sjósundfélagi
Nú er komið að rukkun félagsgjalda fyrir árið 2012. Árgjaldið er það sama og í fyrra 3500 krónur ( 17 ára og yngri greiða ekki félagsgjöld). Til að spara seðilgjöld leggið þið félagsgjöldin beint inn á reikning félagsins
Rnr: 1175-26-66011
Kt: 6601100460
Sendið kvittun á sjosund@sjosund.is og setið nafn/nöfn ykkar í skýringar.
Ykkur sem þegar hafa greitt félagsgjöldin þökkum við kærlega fyrir.
Bestu kveðjur Stjórn SJÓR
Fríður hópur synti í Arnarnesvoginum
Hópur sjósyndara synti á nýjum stað í Arnarnesvoginum við Sjálandsskóla laugardaginn 12.maí. Hópurinn mætti við skólann en í honum er bæði sundlaug og heitur pottur sem við vorum búin að fá aðgang að. Sundlauginn er mjög vel staðsett og eftir fataskipti var hægt að ganga tröppur alveg niður í fjöru. Sundið meðfram blokkunum og út á Arnarnesvoginn var frábært. Okkur tókst að hræða hóp anda á brott en aftur á móti náðum við að fá íbúa blokkanna næst sjónum til að sækja sjónaukana sína og myndavélar og vöktum athygli þeirra með söng og ópum ónefndra sjósyndara. Sjórinn þarna er góður til sjósunds, botnin er þakinn smásteinum og auðvelt að komast út í. Við Sjálandsskóla rennur lítill lækur, Hraunkotslækur, út í sjó sem gerir það að verkum að minna salt er í sjónum þarna svona til að byrja með. Eftir dágott sjósund var haldið í pottinn og sundlaugina í Sjálandsskóla en frábært útsýni er frá lauginni og út á voginn. Heppnin var með okkur í þessari ferð eins og svo oft áður því Alþjóðaskólinn á Íslandi var með basar í skólanum á sama tíma og endaði því þessi yndislega sjósundsferð á kaffi og kökum auk þess sem sumir gerðu reifara kaup á skóm og mussum á basarnum. Þökkum skemmtilega ferð og sjáumst í næstu ferð á synt á nýjum stað.
Synt á nýjum stað – Sjáland
Laugardaginn 12. maí ætlum við að synda á nýjum stað og núna er komið að Sjálandinu við Arnarnesvog. Hittumst við íþróttahús Sjálandsskóla við Löngulínu kl 10(sjá kort). Í Sjálandsskóla er lítil sundlaug og pottur sem við höfum fengið aðgang að en skólinn er staðsettur alveg við sjávarmálið. Hægt er að nota búningsaðstöðuna áður en við förum út í. Eftir sjósund um Arnarnesvoginn ætlum við að fara í sundlaug skólans. Þetta er lítil skólalaug en glæný og með glæsilegu útsýni út á sjóinn. Hlökkum til að sjá ykkur sem flest. Skemmtilega nefndin
Skyndihjálparnámskeið 9.maí
Miðvikudaginn 9.maí ætlar sjósundsfélagið að halda skyndihjálparnámskeið í húsnæði Siglunes niður í Nauthólsvík. Námskeiðið verður sniðið að þörfum sjósundsfólk og verður haldið beint eftir sjósundið eða kl 19:10. Endilega notfærið ykkur þetta tækifæri til að rifja upp – maður veit aldrei hvenær maður þarf að beita skyndihjálpinni.
Fögnum sumri með vöfflum
Nornanótt í miðnætursundi
Aðfaranótt 1.maí er svokölluð nornanótt. Þá nótt fara nornir á stjá og halda mikið partý. Af því tilefni verður boðið upp á nornadrykk í miðnætursundinu. Þeir sem þora láta auðvitað sjá sig. Aldrei að vita nema að nornir sveimi á kústsköftum yfir Fossvoginum á leið í partý (það gerist oft). Annars er sjósund í myrkri og heitum sjó einstök upplifun. Við skorum á þá sem ekki hafa prófað að synda svona rétt fyrir svefninn og láta sængina síðan ylja sér að prófa.
Brúsastaðir í Hafnafirði
Síðastliðinn föstudag 13. apríl syntu um 25 manns við Brúsastaði í Hafnafirði. Veðrið var aldeilis frábært, blankalogn, spegilsléttur sjór og falleg birta. Sjórinn var um 5.6 gráður. Ströndin þarna er umvafinn klettum og hólum og naut fólk þess að synda um í tærum sjónum. Ströndin þarna er grýtt og í fjöru, eins og þegar við syntum, þarf að gæta aðeins að sér þegar farið er út í því að steinarnir geta verið hálir. Annars er aðgengi til sjósunds mjög gott þarna og ströndin út með Álftanesinu einstaklega fögur. Eftir sjóinn var farið í Sundhöll Hafnafjarðar og eftir að menn voru búnir að ylja sér í pottinum var stökkpallurinn prófaður og farnar allaveganna dýfur aftur á bak og áfram. Skemmtinefndin þakkar þeim sem komu. Næsta sund á nýjum stað verður síðan um miðjan maí.
Synt á nýjum stað
Föstudaginn 13. apríl ætlum við að storka örlögunum og taka smá sundsprett á nýjum stað. Að þessu sinni er ætlunin að synda við Brúsastaði í Hafnafirði . Sundstaðurinn er í úfnu Hafnafjarðarhrauninu og er ströndin umvafin klettum og hólum með djúpum gjótum á milli. Lindarvatn rennur út í sjó þarna undan hrauninu og því er sjórinn mjög tær og neðansjávarskyggni gott. Eftir sjósundið verður haldið í Sundhöll Hafnafjarðar við sömu götu. Sundhöllin, sem byggð var árið 1943, státar af innilaug með stökkpalli og tveimur rúmgóðum og vel heitum útipottum í sérlega skjólgóðu umhverfi. Mæting við bílaplanið í enda Herjólfsgötu kl 17:00.
Yfirheyrslan: Gunnlaugur Egilsson
Hvernig atvikaðist það að þú fórst að synda í sjónum?
Svar: Það er kona sem ég þekki sem plataði mig til að prufa sjósund og síðan hef ég ekki getað hætt
Í hvernig sundhettu langar þig mest ?
Svar: Svarta sundhettu sem nær niður á háls
Hvar er draumurinn að synda?
Svar: Þar sem maður getur synt í góðum félagsskap
Eftirminnilegasti sundstaðurinn
Svar: Nauthólsvík
Hvað hefur sjósundið gert fyrir þig?
Svar: Það gefur manni óttrúlega góða orku
Hefur þú sett þér sjósundsmarkmið?
Svar: Synda mér til ánægju og í góðum félagsskap
Ætlar þú á árshátíð SJÓR?
Svar: Ég býðst við að ég mæti á næstu árshátíð ef hún er ekki haldin í September
Syndari eða syndgari?
Svar: Bæði
Hvað ertu að gera þessa dagana?
Svar: Þegar ég er ekki að reyna að selja bændum, þá er ég að rölta örlítð um landið okkar og fjöllin. Svo er ég að dansa og synda í sjónum ofl
Hvenær og hvar ertu hamingjusöm/samur?
Svar: Þegar ég er úti í náttúrunni
Benedikt S. Lafleur í viðtali hjá Sirrý. Áhugavert viðtal hjá karlinum.
http://ruv.is/sarpurinn/sirry-a-sunnudagsmorgni/25032012
Benedikt S. Lafleur ræðir um sjósund kosti þess og galla út frá nýjum rannsóknum. Hvað er svona gott við það að baða sig í jökulköldu hafinu? Hvers vegna nýtur sjósund svo mikilla vinsælda sem raun ber vitni? Er ekki betra fyrir heilsuna að skella sér í heita pottinn? Beínsínverð í Opinni línu.
Viðtalið byrjar á 87 mínútu.
Ýmislegt
Yfirheyrsla mánaðarins
Áhugaverðir Net-Þræðir
.
.
.