Félagsfréttir- febrúar 2010

February 22, 2010 by · Leave a Comment
Filed under: Fréttir 
Kæru Sjóhetjur,
 
Meðfylgjandi er reikningsnúmer fyrir félagsgjöldum fyrir þetta ár.  Við byrjum á að senda þetta svona til að spara okkur umsýslukostnað í bankanum, vonum að fólk taki því vel.
 
Bankaupplýsingar:
 
BYR Sparisjóður
1175-26-66011
Kt 660110-0460
Kr. 3.500.-
(Sendið kvittun á sjosund@sjosund.is)
 
 
Við í stjórninni höfum ekki setið auðum höndum og mjög margt er í farvatninu og má segja frá nokkrum þeirra líttillega hér að neðan:
 
·         Viðræður eru í gangi við ÍTR um bætta aðstöðu í Nauthólsvík.
·         Skipulagning og uppsetning heimasíðu, yfir 2.300 heimsóknir á síðuna síðan við byrjuðum.
·         Skipulagning fyrirlestra er í farvatninu og fyrsti fyrirlesturinn um „ofkólnun“ tókst glimrandi vel –           110   manns sáu sér fært að mæta í HR í síðustu viku.
·         Viðræður við ýmsa styrktaraðila hafa átt sér stað.  Það má upplýsa að Vífilfell ætlar að styrkja okkur  með Powerade í sumar og viðræður standa yfir við aðra styrktaraðila.
·         Öryggismál hafa verið í skoðun og var fyrirlesturinn í HR liður í því að efla það.
·         Bátamál eru  í skoðun, bæði í tengslum við öryggismál og þegar einhver sund eru í gangi. Eins og t.d Kópavogssund, Viðeyjarsund og Íslandsmótið í sjósundi og fleira.
·         Skipulag ýmissa atburða eru á góðu róli.   Við erum að skoða Viðeyjarsund, Fossvogssund, sundi út í Hrísey, Sund milli Grímseyjar og Drangsness á Ströndum, sundi yfir Eyjafjörðinn og ýmsa smávægilegar uppákomur á vegum félagssins og í tengslum við ÍTR
·         Verið er að semja við veitingafólkið sem sjá um veitingareksturinn á Nauthól og HR.  Við komum til
með að kynna það með myndarlegum hætti síðar.
.         Búið er að koma stofnskýrteinum til flestra stofnfélaga, en Benni er með þau skjöl sem eftir eru og mætir með þau í Nauthólsvíkina reglulega. Prentsmiðjan Oddi prentaði þau fyrir okkur að kostnaðarlausu og þökkum við þeim kærlega fyrir frábæran stuðning við félagið okkar.
 
          Nú eru einungis liðnir 2 mánuðir frá því félagið var stofnað, en við látum ykkur vita um framvindu mála jafnóðum. Eins ef fólk vill fylgjast með, þá koma allar fréttir inn á www.sjosund.is
 
          Eins má benda á, að ef fólki fýsir að vita eitthvað, þá er bara að hafa samband.
 
           Kærar kveðjur frá öllum í stjórninni.
 
 
           Árni Þór Árnason, varaformaður SJÓR
 
Share

Myndir af fræðslukvöldi um ofkólnun og fleira.

February 19, 2010 by · Leave a Comment
Filed under: Fréttir 

Myndir af fræðslukvöldinu góða um ofkælingu eru komnar inn. Þess má geta að það mættu um 100 manns sem er framar öllum væntingum. Farið í “Myndaalbúm” flipann og veljið þar viðeigandi albúm.

Fyrirlestrarnir sjálfir eru undir “Fréttir, fræðsla og fleira” og þar þarf að velja “Fréttir”. Á þeim lista eru báðir fyrirlestrarnir á powerpoint formi.

Breytingar á síðunni:  ”Heiti potturinn” er kominn hægra megin á síðuna.

Til að skrá sig í félagið er farið í “Um félagið” og neðsti flipinn valinn, nú þarf bara að fylla í reitina og ýta á “Senda”

Allar tillögur að breytingum á síðunni vel þegnar og sendist á birgir@sjosund.is

Share

Fræðslukvöld um ofkólnun

February 15, 2010 by · Leave a Comment
Filed under: Fréttir 

Miðvikudaginn 17. febrúar, kl. 19:15 til 20:30 mun SJÓR í samstarfi við SSÍ halda fræðslukvöld um ofkólnun og viðbrögð við henni. Fræðslukvöldið fer fram í HR við Nauthólsvík, fyrirlestrarsalnum Betelgás, stofu V1.02.

Fyrirlesarar verða: Dr. Þórarinn Sveinsson lífeðlisfræðingur, Ófeigur Þorgeirsson læknir og sjósundmaður og sjósundsfélagar okkar þeir Heimir Örn Sveinsson og Árni Þór Árnason.

Dagskráin verður sem hér segir:
1. Setning fundarins. Benedikt Hjartarson formaður SJÓR
2. Upplifun ofkælingar. Heimir Örn Sveinsson
3. Að koma að manneskju í kæliástandi. Árni Þór Árnason
4. Líffræðilegar útskýringar á ofkólnun. Dr. Þórarinn Sveinsson
5. Hvernig hlúa skal að persónu í ofkólnunarástandi. Ófeigur Þorgeirsson

Ekki þarf að minna á mikilvægi þess að við sjáum okkur öll sem eitt fært á að mæta á svo mikilvægan fræðslufund sem þennan. Við vitum aldrei hvenær óhöppin verða og fyrstu viðbrögð eru ætíð mikilvægust. Við hvetjum ykkur öll til að eiga með okkur fræðandi og skemmtilega kvöldstund sem vonandi gerir okkur öll öruggari í sjónum.

Frítt er á fræðslukvöldið og veitingar verða í boði SJÓR.

Share

Hamingjusamur sjósundsfélagi

February 9, 2010 by · 2 Comments
Filed under: Fréttir 

Ástæða þessa bréfs er að ég vil lýsa yfir ánægju minni yfir því að vera orðinn „sjósundsfíkill“. Svo er að þakka sundfélaga mínum og sambýling með skrifstofuaðstöðu, Jóni Sigurðarsyni, en hann skoraði á mig að mæta með sér í Nauthólsvíkina. Það runnu á mig tvær grímur, hafði ætíð stimplað þetta vetrarsjósundslið „kolklikkað“, eða samansafn af brjálæðingum. En ég lét sem betur fer tilleiðast. Og þvílík hamingja, mætandi í sjóinn frá því í nóvember, hitastig sjávar frá -1,7 og hefur farið upp í +3,2. En hver er hamingjan? Endurnæring á sál og líkama, hvorki fengið kvef né flensur og ekki síst ánægjan með að hitta þetta frábæra fólk sem mætir í Nauthólsvíkina. Veit ekkert hvaðan það kemur eða hvert það er, en það tekur manni fagnandi og maður er strax orðinn einn úr „fjölskyldunni“. Eina bannorðið er „Icesave“, látum þingmennina um þann sandkassaleik sem fer fram á alþingi. Tala nú ekki um starfsmennina, þeir eru frábærir og eiga stóran þátt í því hversu gott er þangað að koma.

Ungur nemur gamall temur.  Kolbeinn afi og Daníel Snær í sjónum í desember Sem einn af stofnendum Sjósunds – og sjóbaðsfélags Reykjavíkur vil ég þakka það öfluga starf sem nú er komið af stað, undir stjórn kröftugrar stjórnar. Megi gæfa og dugnaður fylgja félaginu um ókomna framtíð og hlakka til þess að fá að vera einn af ykkur.

Kolbeinn Pálsson

Á mynd: Ungur nemur gamall temur.  Kolbeinn afi og Daníel Snær í sjónum í desember

Share

Skjöl fyrir stofnfélaga SJÓR tilbúin til afhendingar.

February 8, 2010 by · Leave a Comment
Filed under: Fréttir 

Nú eru stofnfélagaskjölin tilbúin til afhendingar fyrir stofnfélaga SJÓR.

Benni formaður byrjaði í dag að afhenda þeim félögum SJÓR, sem skráðu sig sem stofnfélaga, skjöl upp á það og verður haldið áfram að afhenda þau næstu opnunardaga.

Við viljum minna á fyrirlesturinn um ofkælingu sem verður haldinn eftir nokkra daga í húsnæði HR. Þar verður farið yfir mjög mikilvægar upplýsingar fyrir okkur öll sem stundum sjósund og sjóböð.

Stjórnin

Share

Myndir úr síðasta millimánaðasundi .)

February 2, 2010 by · 1 Comment
Filed under: Fréttir 

Vaskur hópur sjósundsgarpa mætti síðasta dag janúarmánaðar kl. 23:45 og gerði sig kláran til að synda milli mánaða.

Það fer þannig fram að rétt fyrir mánaðamót (rétt fyrir miðnætti) fara allir út í sjó og synda í nokkrar mínútur eða fram yfir mánaðamótin.

Að þessu sinni mættu ellefu manns og eru myndirnar komnar í myndaalbúmið.

Við hlökkum til að sjá fleiri næst. Hægt er að fara í sturtu í Brokey eftir sundið.

Takk fyrir kvöldið.

Share

Fyrirlestur um ofkólnun

February 1, 2010 by · 2 Comments
Filed under: Fréttir 

Miðvikudaginn 17. febrúar, kl. 19:15-20:30, mun SJÓR í samstarfi við sjósundnefnd Sundsambands Íslands halda mikilvægan fyrirlestur um ofkólnun.

Fyrirlesturinn fer fram í HR við Nauthólsvík, fyrirlestrarsalnum Betelgás, stofu V1.02, sjá leiðarlýsingu á mynd.

Þar munum við heyra um reynslu af ofkólnun, um aðkomu að ofkólnun, um ofkólnun vs. hjarta og æðakerfi, um rannsóknir og um fyrstu viðbrögð.

Það er mikið öryggisatriði að sem flest sjósundsfólk fræðist um þetta. Við vitum aldrei hvenær óhöppin verða og fyrstu viðbrögð eru mikilvægust. Við hvetjum sem flesta til að mæta, það gerir okkur öll öruggari í sjónum.

Share