Ferð SJÓR í Stykkishólm 25-27 júní

June 29, 2010 by · 1 Comment
Filed under: Fréttir 

Meðlimir Sjór skelltu sér í helgarferð til Stykkishólms til að slaka á, synda og skemmta sér.  Ferðin gekk frábærlega í alla staði og veðrið var frábært frá byrjun til enda.   Dagskráin byrjaði á föstudegi þar sem flestir mættu milli 18-19 og

IMG_1465 Þá var lagt af stað í fyrstu sundferðina.

Synt var út frá lítilli vík vestan við vesturbryggjuna í Hólminum. Sjórinn var heitur og engin vindur né straumar.  Synt var út í litla eyju og labbað þar um og synt síðan til baka og smellt sér í sundlaugina.

Eftir sundlaugina var slakað á við tjaldsvæðið og skemmt sér fram á nótt með söng og gítarspili.

Næsti dagur byrjaði rólega, farið var kl. 13:00 að trjálundi rétt sunnan við Stykkishólm og grillað saman og skemmt sér.  Síðan var farið niður að bryggju og næsti sundstaður skoðaður, og þaðan var farið að höfðanum þar sem Marís Þór Jochumsson sundmaður lést fyrir stuttu og hans minnst.

Mæting kl. 19:00 niðri á bryggju þar sem synda átti í kringum Súgandisey, veðrið frábært í alla staði. Það syntu 19 kringum eyjuna (Perla hundur talin með) og slatti af krökkum var í tryllu sem fylgdi mannskapnum. Mikið af ferðamönnum fylgdi þessu skrítna fólki með myndavélar

IMG_1578

Þegar það sund var búið  var aftur farið í sundlaugina sem var opnuð sérstaklega fyrir SJÓR og aðgangur ókeypis (Helena þekkir mann sem þekkir mann)   Þaðan upp á tjaldstæði í stutta stund og svo var farið í leiki í brekkunni og skólahreystisbrautin prufuð.  Kvöldið klárað við kvöldsögur og skemmtilegheit þar sem skemmtilega nefndin var í forsvari.

Sunnudagurinn var tekin seint, þegar búið var að pakka sér saman þá héldu flestir saman og keyrt var fyrir Snæfellsnesið um kl. 13:00, komið við í Ólafsvík og íssmökkun fór í gang.  Þaðan var keyrt að Skarðsvík og tekinn sundsprettur þar, hlýjað sér aðeins og haldið áfram.  Næsta stopp Hellnar þar sem hópurinn settist að á kaffihúsinu til að ná úr sér restinni af hrollinum og klætt sig í sundgallan aftur.   Þá var bara síðasta sundið eftir og nokkrir félagar syntu út fyrir bryggjuna og í fjöruna en fjórir héldu áfram og syntu út fyrir oddan og inn í hellirinn fræga sem allirþekkja sem þangað hafa komið.

IMG_1699Eftir annan kaffi og kakóbolla voru kveðjustundir og fólk hélt til síns heima.  Þetta var fullkominn endir á frábærri helgi og viljum við þakka Helenu og Heimi Loga fyrir að setja þessa ferð saman.  Það var ákveðið mjög snemma í ferðinni að gera þetta að árlegum viðburði, enda töldust 35-40 hausar þegar mest var.

Myndir komnar í myndaalbúmið

Share

Jónsmessusund SJÓR var vel sótt.

June 25, 2010 by · 2 Comments
Filed under: Fréttir 

Mjög góð mæting var í Jónsmessusund SJÓR sem haldið var í Hvammsvík í Hvalfirði síðasta miðvikudag.

Skemmtinefndin var mætt á undan öllum og búin að leggja á borð, setja upp frjósemis-súlu og stafla í brennu.

Byrjað var á því að skála fyrir öllum, og síðan eytt smá tíma í hláturstengt efni.  Síðan var kveikt í brennunni og brauðdeig sett á teina og grillað við misgóða framkvæmd, auðsýnilegt að sumir pöntuðu pítsurnar sínar meðan aðrir höfðu komið við deig áður!

Jakob sveif síðan á svæðið með gítar og nokkur lög sungin við góðar undirtektir (Fyrir utan svartan afgan) meðlima. Þegar líða tók á miðnætti skellti fólk sér í sundfatnað og í sjóinn og voru mjög margir hausar í sjónum þetta kveldið.  Potturinn beið heitur og fínn og eldurinn ornaði þeim sem ekki komust í pottinn.  Nokkrar myndir eru komnar í myndagalleríið og er hægt að skoða þær hér. Þær eru reyndar í mjög góðri upplausn svo það tekur smá tíma fyrir þær að birtast.

Share

Dagskrá í Stykkishólmi um helgina!

June 21, 2010 by · 2 Comments
Filed under: Fréttir 

Föstudagur :  Meðlimir og annað sjósundsfólk mætir á Tjaldstæði bæjarins og reynum að vera öll á sama staðnum. Tjaldstæði merkt 5 tindum og/eða sjósund

Farið frá tjaldstæði kl. 19 til sjávar, síðan í sundlaug og snarlað saman á eftir ef fólk vil á tjaldstæði.

Laugardagur:  frjáls tími til 13 þá er grillað saman á tjaldstæði.

um klukkan 15 er farið á Svarta-tanga og minnst sjósundsmannsins Marísar Þórs.

frjáls tími til kl. 19,,,,,þá mun koma í ljós hverjir eru menn eða mýs við það sund sem í boði er.

Sunnudagur :  Í skoðun er að fara fyrir nes og stinga sér í sjóinn á fögrum stað.

ps. í Stykkishólmi eru fjölmargt áhugavert að skoða, nokkur söfn, golfvöllur, fögur náttúra, mikið fuglalíf og mannlíf.

og ekki má gleyma hinnum glæsta Pylsuvagni sem getur komið manni lengi á óvart.

kv.  Helena og Heimir

Share

Sólseturshátíð í Garði helgina 25-27 júní.

June 20, 2010 by · Leave a Comment
Filed under: Fréttir 

Sólseturshátíðin í Garði verður helgina 25. – 27. júní og það er búið að setja inn á dagskrána sjósund kl. 17 á laugardeginum

Share

Minningarsund um Jón Otta 25. júní kl. 14:00

June 20, 2010 by · 2 Comments
Filed under: Fréttir 

Synt verður til minningar um Jón Otta, föstudaginn 25 júní næstkomandi. Mæting er klukkan 14:00 að bryggjunni við Skarfaklett (þar sem Viðeyjarferjan er) þar sem sundmenn verða ferjaðir með slöngubát að Viðey. Þaðan sem síðan verður sinnt að Skarfakletti (Sundahöfn). Sundið er tæpur kílómeter að lengd og ætti að taka um 30 mínútur í góðum sjó. Hér er ekki um kappsund að ræða, heldur skemmtisund.

Share

Heimildamynd um sjósund á íslandi

June 20, 2010 by · Leave a Comment
Filed under: Fréttir 

Jón Karl Helgason kvikmyndagerðarmaður er að framleiða og leikstýra heimildamynd um sögu sjó-sundssins frá upphafi Íslandsbyggðar.

Hann þarf bæði að sviðsetja fræg sjósund ásamt nokkrum atburðum sem höfðu þau áhrif að sundkunnátta okkar Íslendinga óx ásmegin.

Nokkur dæmi um sviðsettningar;

# Grettir syndir frá Drangey 1030
# Maður ber á sig grjót og skríður í botninum yfir ár, vötn og síki, “sem ekki voru um of breið.”
# Karlmenn læra að synda í hengigjörð og sundgjörð
# Lárus Rist syndir yfir Eyjafjörðinn
# Sundfólk í gömlu sundlaugunum – konur og karlar
# Sundkeppni í Skerjafirði 1909
# Drangeyjarsund Péturs Eiríkssonar 1936

Tökur eru áætlaðar frá 20.júlí nk.
Ef einhver hefur áhuga að taka þátt í þessu sjósundsverkefni Jóns Karls þá er hægt að hafa samband við Jón Karl:

 jonkalli@hotmail.com
og senda honum upplýsingar; (aldur, hæð og ljósmynd
helst í sundfötum)

Bestu kveðjur
Benedikt Hjartarson

Share

Það sem ber að vita um sjósund!

June 8, 2010 by · Leave a Comment
Filed under: Fréttir 

Share

Þingvallasund 16. Júlí 2010

June 7, 2010 by · Leave a Comment
Filed under: Fréttir 

Share

Jónsmessusund

June 4, 2010 by · 6 Comments
Filed under: Fréttir 

Að kvöldi 23. júní ætla sjósundfélagar að skella sér í miðnætursjósund upp í Hvammsvík.
Þetta verður sannkölluð fjölskylduskemmtun og verður margt í boði t.d. fjörubál, nornadrykkur, grillað brauð á greinum, reist verður frjósemissúla
og boðið upp á kaffibrúsasmökkun,
söngur, fjör, fróðleikur og annað tengt þessu magnaða kvöldi. Hittumst upp í Hvammsvík kl. 22 og þegar nær dregur miðnætti skellum við okkur auðvitað í sjóinn og pottinn og veltum okkur upp úr dögginni.

Sjáumst,
skemmtilega nefndin

Share