Sjósundgarpur Íslands – sjósundskeppni milli útgerða

September 25, 2013 by · Leave a Comment
Filed under: Fréttir 

Sjósundkeppni fer fram í Nauthólsvík laugardaginn 28.9.2013. 
Þar keppa útgerðarfyrirtækin um titilinn „Sjósundgarpur Íslands 2013“.

Keppnin fer þannig fram að keppendur (fulltrúar útgerðarfyrirtækja) stinga sér til sund frá 
varðskipinu Baldri, sem siglt verður inn í Nauthólsvíkina, og synda í land en endamarkið er 
á sandströndinni í Nauthólsvík við pottinn. Vegalengdin sem synd er  100 metrar.
Dagskrá:

Kl. 13.00 synda meðlimir Sjór,  aðildarfélag Sundsambands Íslands, 260 metra vegalengd. 
Veitt verða verðlaun fyrir skrautlegasta höfuðfatið.
Kl. 14.00 hefst keppni milli útgerðarfélaga þar sem synt verður frá varðskipinu Baldri 
í land. Sigurvegari er „Sjósundgarpur Íslands 2013“. Starfsmenn Landhelgisgæslunnar 
fylgja sundmönnum eftir á gúmmíbátum og er kafari tilbúinn til taks.
Kl. 15.00 verður Menntamálaráðherra hent í sjóinn og sýnir áhöfn þyrlunnar 
nýstárlega björgun þar sem viðkomandi er veiddur upp úr sjónum með þar til gerðu neti.

Markmiðið er að vekja athygli á fjölbreyttu starfi Sundsambands Íslands, 
öryggi sjómanna og mikilvægi þess að kunna að synda.

Þátttökugjald er 1000 krónur. SJÓR greiðir fyrir sína félagsmenn.
Það væri frábært ef sem flestir gætu tekið þátt í hópsundinu og dagkránni.

Share

Opnum aftur á laugardögum

September 19, 2013 by · Leave a Comment
Filed under: Fréttir 

18.sept 029

Miðvikudaginn 18. september var borgarstjórn Reykjavíkur og fulltrúum ÍTR boðið að koma í sjósund með stjórn Sjósunds- og sjóbaðsfélagi Reykjavíkur. Því miður sá enginn sér fært um að koma og hörmum við það mjög. En Nauthólsvíkin skartaði einmitt sínu fegursta og fjöldi manns var að nýta sér þessa perlu sem við höfum hér á besta stað í borginni. Fjöldinn allur af krökkum úr Háleitisskóla naut veðurblíðunnar og léku sér á ströndinnu auk þess sem talsverður fjöldi sjósyndara (80-90 manns) synti á spegilsléttum sjónum. Sjósund er orðið vinsæl íþrótt og mikill fjöldi stundar hana allann ársins hring. Enda efast enginn sem stundar sjósund um þau góðu áhrif sem það hefur á sál og líkama.

Á síðustu árum hafa sjósundsfélög verið stofnuð víða um land. Við hér í höfuðborginni erum stolt af þeirri frábæru aðstöðu sem er til staðar í Nauthólsvík, þar sem sjósundi er virkilega gert hátt undir höfði með prýðisgóðri búningsaðstöðu, heitum potti og gufubaði.

Vetraropnun í Nauthólsvíkinni er orðinn partur af lífi fjölda fólks sem stundar sína íþróttaiðkun og útivist á svæðinu. Einnig hefur hún mikið gildi fyrir ferðamannaiðnaðinn og fjöldi útlendinga kemur til að prófa sjóinn og njóta þess að sitja í pottinum í hvaða veðri sem er. Enda einstakt að þurfa ekki að fara lengra til að njóta útivistar og náttúru.

18.sept 014Á veturnar er opnunartíminn öll virk hádegi frá 11-13 og svo mánudaga og miðvikudaga frá kl 17-19 og hefur aðsóknin verið að aukast og oft þröngt um manninn í pottinum. Veturinn 2012-2013 var byrjað að rukka gjald fyrir notkun á Nauthólsvík á veturnar en þjónustan var ekki aukinn né aðstaðan betrumbætt. Eftir áramót var gerð tilraun með að hafa líka opið á laugardögum milli 11-13 og var þeirri nýbreytni vel tekið enda ekki allir sem geta notfært sér hádegisopnanir á virkum dögum. Þessi tími hentaði vel  fjölskyldufólki sem naut þess að vera saman á staðnum. Núna í haust var okkur tjáð að þessari opnun yrði hætt. Við viljum hvetja fulltrúa ÍTR og borgarstjórn Reykjavíkur að endurskoða þessa ákvörðun sína. Við eigum að nota stað eins Nauthólsvík allan ársins hring og bjóða þannig borgarbúum upp á fjölbreytta afþreyingu fyrir fjölskylduna og einstakt umhverfi til að stunda sjósund og heilnæma útivist og þess að sitja í pottinum í hvaða veðri sem er. Enda einstakt að þurfa ekki að fara lengra til að njóta útivistar og náttúru.

18.sept 009

 Bréf sent fulltrúum ÍTR og borgarstjórn Reykjavíkurborgar 19. september 2013

Ragnheiður Valgarðsóttir   Formaður Sjósunds- og sjóbaðsfélags Reykjavíkur

PS: myndirnar eru teknar 18. september

 

Share

Yfirheyrslan: Margrét Bára Jósefsdóttir

September 17, 2013 by · Leave a Comment
Filed under: Fréttir 

bara6

Hvernig atvikaðist það að þú fórst að synda í sjónum? Helgi sonur minn byrjaði haustið 2011 og var ansi iðinn í nokkra mánuði svo ég ákvað að prófa,gerði það 8mars 2012 í snarbrjáluðu veðrið og haugabrimi,var eins og korktappi í flæðarmálinu,komst aldrei almennilega útí,svo ég fór aftur og aftur

Í hvernig sundhettu langar þig mest? Ég á kafarahettu sem ég er mjög ánægð með en vildi samt að hun væri í skærum lit

Hvar er draumurinn að synda? Ég er svo ánægð með Langasandinn að mig dreymir ekki um aðra staði.

bara4

Eftirminnilegasti sundstaðurinn? Þegar ég synti fyrir Klébergið.

Hvað hefur sjósundið gert fyrir þig? Mér finnst ég hafa hætt að eldast eftir að ég fór að synda með krökkunum í sjóbaðsfélagi Akranes.

Hefur þú sett þér sjósundsmarkmið? Halda áfram að fara í sjóinn hvað sem hver segir.

Er sjósund smart eða púkó? Smart

Syndari eða syndgari? Syndandi syndgari.

Hvað ertu að gera þessa dagana? Hugsa um framtíðina.

Hvenær og hvar ertu hamingjusöm/samur? Er oftast hamingjusöm þegar ég minni mig á að láta aðra vera í friði.

Eru einhverjar hefðir í kringum sjósundið hjá þér? Klæði mig heima í sundfötin,reyni að muna eftir fötum til að fara í á eftir.

Hvaða sjávardýr værir þú til í að vera? Hafmeyja.

bara5

Borðar þú vini okkar, sjávardýrin? Jájá flesta.

Hvaða sjávardýr er best á bragðið? Hvalurinn

Æfir þú aðrar íþróttir? Nei en geng nokkrum sinnum á ári.

Fyrir hverja er sjósund? alla sem hugsa: ætti ég að prófa!

Eitthvað sem þú vilt segja að lokum? Sjóbað á Langasandinum er langbest, vitum aldrei hverju við eigum von á.

Share