Aðalfundur SJÓR fimmtudaginn 31. október kl 19:30

October 23, 2013 by · Leave a Comment
Filed under: Fréttir 

Aðalfundur Sjósunds og sjóbaðsfélags Reykjavíkur verður haldinn fimmtudaginn 31. október kl. 19:30 í húsi Sigluness í Nauthólsvík

Dagskrá:
1. Skýrsla stjórnar
2. Stjórn leggur fram endurskoðaða reikninga félagsins
3. Umræður um skýrslu og reikninga
4. Lagabreytingar
5. Kosning nýrrar stjórnar og endurskoðenda. (Tillaga um að stjórn siti áfram fram að næsta aðalfundi sem áætlaður er í byrjun næsta árs)
8. Önnur mál
Tillögur að lagabreytingum skulu sendast á raggy.sjor@gmail.com

Stjórn SJÓR leggur til lagabreytingu á 10. grein laga SJÓR.
Í dag er 10 grein sem hér segir:
10. gr. Aðalfundur félagsins skal haldinn fyrir októberlok, ár hvert. Til aðalfundar skal boða með tryggum hætti. Afl atkvæða ræður úrslitum á aðalfundi nema annað sé sérstaklega tekið fram í lögum þessum.
Stjórn leggur til að breytingin verði sem hér segir
10. gr. Aðalfundur félagsins skal haldinn fyrir lok mars mánaðar, ár hvert. Til aðalfundar skal boða með tryggum hætti. Afl atkvæða ræður úrslitum á aðalfundi nema annað sé sérstaklega tekið fram í lögum þessum.
Skýringar: Á þennan hátt er hægt að gera upp síðasta starfsár, í stað þess að stjórn sé að gera upp árið þar á undan. Þetta er hefðin í félagasamtökum og auðveldar stjórnum að klára árið. Þegar lög félagsins voru samþykkt var starfið aðalega á sumrin, en nú spannar það allt árið. Stjórnin stefnir á að halda næsta aðalfund fyrir lok mars 2014
Hvetjum félagsmenn til að mæta á fundinn.
Kveðja Stjórnin

Share

Fyrirlestur um ofkælingu og drukknun

October 14, 2013 by · Leave a Comment
Filed under: Fréttir 
Björgunarsveit Kjalarness ætlar að halda fyrirlestur fyrir sjósundsfólk  sunnudaginn 20. október í Fólkvanginum við hlið sundlaugar Kjalarness og hefst hann kl 12:30
Fyrirlesari er Friðrik Theódórsson slökkviliðs- og sjúkraflutningamaður hjá Slökkvilið Höfuðborgarsvæðisins. Hann mun fjalla um ofkælingu og drukknun sem er helstu hættur sjósunds auk þess sem komið verður inn á fyrstu hjálp. Einnig hafði hann hugsað þetta ekki eingöngu sem fyrirlestur, heldur í formi spjalls þar sem spurningar og dæmisögur koma frá sjósundsfólki. Reykjavíkurborg veitti styrk til að halda þennan fyrirlestur.
Kjalnesingar verða með heitt á könnunni og við ætlum að gefa okkur góðan tíma í að spjalla saman.
Það er því tilvalið fyrir félagsmenn að mæta í sjósund kl 11 og rölta síðan á fyrirlesturinn eftir pottinn.
pottur1
Share