Þorrablót – Pottur&Pungar

January 23, 2015 by · Leave a Comment
Filed under: Fréttir 

man and background.Vector posterfor text on old paper texture

Share

Fræðslukvöld SJÓR – Sjóveiki

January 14, 2015 by · Leave a Comment
Filed under: Fréttir 

Vek athygli á fræðslukvöldi SJÓR um sjóveiki miðvikudaginn 21.janúar kl 19:15 út í Siglunesi. Hannes Petersen læknir heldur fyrirlestur og svarar spurningum en hann hefur stundað rannsóknir á sjóveiki um árabil. Þetta er mjög áhugavert fyrir okkur enda erum við oft að klást við sjóveiki eða smá sjóriðu.
sjoveiki

Share

Nýárssund kl

December 22, 2014 by · Leave a Comment
Filed under: Fréttir 

Að venju ætlum við að fagna nýju ári með svellköldu sundi á nýársdegi. Það er ekki hægt að hugsa sér betri byrjun á nýju ári. Við ætlum að fara saman í sjóinn kl 12. Best er auðvitað að fara í jólafötunum eða einhverju flottu dressi. Svo verður stuð í pottinum og mikið húllumhæ. Allir velkomnir og ekkert aldurstakmark. Potturinn verður opinn frá kl 11-15
nýar

Share

Gleðileg jól kæru félagar

December 22, 2014 by · Leave a Comment
Filed under: Fréttir 

Sjósunds- og sjóbaðsfélag Reykjavíkur óskar ykkur öllum gleðilegra jóla og farsældar á nýju ári. Þökkum ánægjulegar stundir í sjónum og vonumst til að finna ykkur sem oftast í fjöru á árinu 2015.

bestu kveðjur
Stjórn SJÓR

fjara

Share

Kaffisjór

October 27, 2014 by · Leave a Comment
Filed under: Fréttir 

Heil og sæl
Næsta miðvikudag 29. október verður kaffipottur út í Siglunesi. Félagsmenn gefst þá kostur á að baða sig upp úr kaffi og skrúppa sig með kaffikorg. Potturinn opnar kl 17:30 og verður opinn til kl 19:00.
Þeim sem langar mega koma með eitthvað gómsætt á sameiginlegt borð til að snæða með öllu þessu kaffi. Sjáumst hress
kaffi

Share

Hausastaðavarir – Draugasker fimmtudaginn 11.september kl 18

September 6, 2014 by · Leave a Comment
Filed under: Fréttir 

Fjaran við Hausastaði er æðisleg og útsýnið út Reykjanesið ægifagurt þarna. Við ætlum að njóta þessa og synda saman frá Hausastöðum í átt að Draugaskerjum. Eftir sjósund verður skundað í sundlaug Álftnesinga, legið í pottum, rennibrautin prófuð og þeir sem hafa ekki fengið nóg af öldum geta skellt sér í öldulaugina. Beygt til vinstri af veginum út á Álftanes rétt áður en farið er að hringtorginu og síðan fyrsta beygja til hægri út að Hliðsnesveg. Þetta er fyrsta draugaferðin okkar og ef vel tekst til þá er kannski tilvalið að fara í fleiri í vetur :-)

hausastadir

Share

Synt út í Viðey föstudaginn 22.ágúst kl 17:30

August 20, 2014 by · Leave a Comment
Filed under: Fréttir 

Þá er komið að Viðey. Okkur árlega “Synt út í Viðey” verður nk föstudag, 22.ágúst.
Lagt verður af stað kl. 17:30 frá Skarfakletti en mæting/skráning kl 17.
Það kostar ekkert fyrir félagsmenn SJÓR en 2000 kr fyrir aðra. Hægt verður að velja um aðra leið eða báðar, 900 metra eða 1800metra. Við verðum með nokkra báta og kayaka og einnig verður mjög vant sjósundsfólk sem fylgist vel með og er tilbúið að hjálpa. Bendum fólki á að hafa meðferðis eitthvað heitt að drekka og hlý föt sem auðvelt er að klæða sig í eftir sundið. Ekki er verra að hafa einhvern sem tekur á móti manni þegar sundið er búið.

Allir sem taka þátt fá frítt í Laugardalslaugina eftir sundið og hvetjum við ykkur til að notfæra ykkur það og ylja ykkur í heitu pottunum þar. SJÓR áskilur sér rétt til að stöðva sund þeirra sem hann telur að séu hætt komnir. Þetta er erfitt sund og því gerum við þær kröfur á þá sem ætla að taka þátt að þeir hafi synt Fossvogssundið eða geti sýnt fram á að hafa reynslu af sjósundum. Við viljum benda sundfólki á að það er á eigin ábyrgð í sjónum.

Svo er auðvitað algjör skylda að synda með sundhettu í skemmtilegum lit.

Sjáumst á föstudaginn – spáin er fín :-)

Share

Opna íslandsmótið í víðavatnssundi 24.júlí

July 22, 2014 by · Leave a Comment
Filed under: Fréttir 

Opna íslandsmótið í sjóundi fer fram í Nauthólsvík nk fimmtudag, 24.júlí kl 17.
Keppt verður í þremur vegalengdum 1km, 3km og 5 km. Þeir sem synda 5 km eru reyndar ræstir kl 16.00.
Við hvetjum fólk til að prófa að synda 1 km og eins er hægt að vera með liðakeppni í 3ja km.
Meiri upplýsingar í viðhengi.

Opna Íslandsmótið í VÍÐAVATNSSUNDI

Share

Yfirliðið kláraði ermarsundið.

July 21, 2014 by · Leave a Comment
Filed under: Fréttir 

Stelpurnar í Yfirliðinu lögðu af stað frá Dover kl 18 í gærkvöldi, 20. júlí, í 17 gráða heitum sjó og góðu veðri. Sundið gekk vel hjá þeim og komu þær að landi í Wissant í Frakklandi 13 tímum og 31 mínútu síðar. Stelpurnar og liðstjórar eru nú að hvíla sig í Dover en í kvöld ætlar hópurinn að fara á The White Horse, ermarsundspubinn, og fagna.
Stjórn Sjósunds- og sjóðbaðsfélags Reykjavíkur óskar Yfirliðinu innilega til hamingju með sundið. Þetta var vel gert :-)

yfir

Share

Skerjafjarðarsund 19.júlí kl 10:30

July 15, 2014 by · Leave a Comment
Filed under: Fréttir 

Skerjafjarðarsundið er um 2.2 km löng vegalengd í beinni línu. Þetta er hið svokallaða Skerjafjarðarsund sem Eyjólfur Jónsson sundkappi synti oft og er fyrir vana sundmenn og sjósundsfólk. Við gerum þær kröfur á þá sem ætla að taka þátt að þeir hafi synt Fossvogssundið eða geti sýnt fram á að hafa reynslu af sjósundum.. Mikilvægt eins og fyrir öll önnur sjósund að koma vel nærður og sofinn til leiks. Einnig er gerð krafa um að þeir sem synda séu með skæra sundhettu á höfðinu. Það er mikið öruggisatriði til að sundmenn sjáist vel á sundinu og til að verja höfuðið fyrir hitatapi. Sundmenn verða ferjaðir frá Nauthólsvík og að upphafsstað. Gott að hafa meðferðis teppi eða hlýja yfirhöfn til að vera í á leiðinni. Veittir verða viðurkenningapeningar fyrir sundið. Þátttaka kostar 2000 krónur fyrir þá sem ekki eru í Sjósunds- og sjóbaðsfélagi Reykjavíkur. Við verðum með nokkra báta sem fylgja fólki alla leið. SJÓR áskilur sér rétt til að stöðva sund þeirra sem taldir eru hætt komnir. Nauðsynlegt að vera mættur kl 10:30 niður í Nauthólsvík, skrá sig og svo leggjum við af stað kl 11. Við viljum benda sundfólki á að það er á eigin ábyrgð í sjónum.

Myndin er frá Skerjafjarðarsundinu í fyrra. Sundmenn að koma að landi við Grímsstaðavörina í blíðskaparveðri og svo var synt eins beint og hver gat að Eyri á Álftanesi

skerja

Share

« Previous PageNext Page »